+7 701 286 69 50
Search
Close this search box.

QAZAQGREENFEST 2024
Жаңартылатын энергетика бойынша ІIІ Халықаралық іскерлік фестивалі

Фестиваль тарихы

Solar Fest Qazaqstan ЖЭК бойынша I халықаралық іскерлік фестивалі алғаш рет 2019 жылдың жазында өтті және Қазақстанның күн және жаңартылатын энергетика нарығының 300-ден астам өкілдерін: мемлекеттік органдардың, есеп айырысу-қаржы орталығының, ЖЭК аукциондық сауда-саттығын ұйымдастырушының, отандық және шетелдік инвесторлардың, халықаралық сарапшылар мен саланың танылған әлемдік көшбасшыларының, халықаралық ұйымдар мен қаржы институттарының, қауымдастықтардың және Қазақстан университеттерінің өкілдерін жинады.

Solar Fest Qazaqstan – бұл мемлекеттік құрылымдар өкілдерін, халықаралық сарапшылар мен салалық бизнес қоғам өкілдерін біріктірген іскерлік шара ғана емес, бұл, ең алдымен, қатысушылар Қазақстанда ЖЭК дамыту бойынша өзекті мәселелерді талқылауға мүмкіндік алған диалог алаңы.

Екі күн ішінде оның қатысушылары «жасыл» энергетиканың өзекті мәселелерін – Қазақстанда ЖЭК жобаларын іске асырудың проблемалары мен қиындықтарын, жаңартылатын энергия көздерін одан әрі дамыту перспективаларын, нарықтың негізгі ойыншыларын алаңдататын сын-қатерлерді талқылады.

Талқылау нәтижесі Қазақстанда ЖЭК-ті одан әрі дамыту бойынша жаңартылатын энергетика саласының іскерлік қоғамдастығынан ҚР Үкіметіне үндеу – Хартиясы болды. Бұл Хартия Қазақстан Республикасының Премьер-министрі Асқар Мамин мырзаға жолданды. Соңғы 4 жыл ішінде ҚР Энергетика министрлігі, «Qazaq Green» ЖЭК қауымдастығы, ЖЭК іскерлік қоғамдастығы Хартияны іске асыру бойынша үлкен жұмыс атқарды. Қазіргі уақытта барлық негізгі ережелер орындалды.

Біз бұл Қазақстан Республикасы Энергетика министрлігі бастаған салалық қоғамдастықтың бірлескен жұмысының практикалық нәтижесі деп санаймыз, ал Solar Fest Qazaqstan бизнестің пікірі мен мемлекеттік органдардың көзқарасын жинақтай алатын алаңға айналды.

Іс-шара бірнеше жыл бұрын өткеніне қарамастан, «Qazaq Green» ЖЭК қауымдастығы әлі де отандық және шетелдік қатысушылардан оң жауаптар алуда. Осыған байланысты Qazaq Green Fest ЖЭК бойынша II халықаралық іскерлік фестивалін өткізу туралы шешім қабылданды.

2023 жылдың мамыр айында елдің 2060 жылға дейінгі көміртегі бейтараптығына қол жеткізуі жөніндегі халықаралық міндеттемелерін қолдау шеңберінде «Қазақстанның энергетикалық қауіпсіздігі: төмен көміртекті ауысу» тақырыбында ЖЭК бойынша Qazaq Green Fest 2023 II Халықаралық іскерлік фестивалі өтті.  Ол ҚР Энергетика министрлігінің, ҚР Экология және табиғи ресурстар министрлігінің, Ақмола облысы әкімдігінің қолдауымен ұйымдастырылды. Іс-шараның бас серіктесі Huawei компаниясы, сондай-ақ оның сертификатталған серіктесі Photomate компаниясы болды. Фестиваль демеушілерінің қатарында Arm Wind, TotalEnergies, Longi, Sany Renewable Energy және басқа компаниялар болды. Фестивальді Қазақстандағы БҰҰ Даму бағдарламасы, Еуразиялық даму банкі және KAZENERGY қауымдастығы да қолдады.

Фестивальде энергетикалық қауіпсіздікті қамтамасыз ету, ЖЭК секторындағы мемлекеттік саясат, ЖЭК жобаларын қаржыландыру, ESG-саясатының гендерлік және корпоративтік ерекшеліктері, көміртегі нарықтарын дамыту сияқты Қазақстан Республикасы үшін энергетикалық ауысу мәселелері талқыланды. Іс-шараға «ҚазМұнайГаз» ҰК» АҚ, Visor Holding, ENI, Shell, KPO, NCOC, Air Liquide, Toyota Tsusho, Chevron, Tengizchevroil, SANY, Longi, Huawei және басқа да көптеген компаниялардың өкілдерін қоса алғанда, әр түрлі елдерден 300-ден астам адам қатысты.

Qazaq Green Fest фестивалінде «Qazaq Green» ЖЭК қауымдастығы жанынан құрылған ЖЭК мектебінің іске қосылуы туралы жарияланды. Бұл курс икемділікті ескере отырып әзірленді, бұл оған қатысушылардың әр түрлі қажеттіліктеріне, соның ішінде жаңартылатын энергетикаға жаңадан келгендерге де, білімдерін жаңартқысы келетін тәжірибелі мамандарға да бейімделуге мүмкіндік береді. Qazaq Green ЖЭК мектебінде оқытуды саланың тәжірибелі сарапшылары жүргізеді.

Бұған қоса, фестивальде Қазақстанда алғашқы ерікті көміртегі сертификаты — Qazaq Green Certificate іске қосылатыны жарияланды. Бұл құралдың негізгі мақсаты компанияларға корпоративтік деңгейде көміртегі ізінің төмендеуін растауға мүмкіндік беру болып табылады.  Оны «Qazaq Green» ЖЭК қауымдастығы «Каспий тауар биржасы» АҚ-мен бірлесіп әзірледі.

Іс-шара қорытындысы бойынша ЖЭК іскерлік қоғамдастығының Қазақстан Республикасының Үкіметіне Хартия-үндеуі дайындалды.

Фестиваль аясында ұйымдастырушылар балалар үйінің тәрбиеленушілеріне арналған қайырымдылық науқанын, БАҚ өкілдеріне арналған байқау өткізді, сондай-ақ қонақтар мен көрмеге қатысушылар сала көшбасшыларының технологияларымен танысып, көркем Бурабай ұлттық саябағында көл жағасында ашық аспан астындағы гала-кешке қатысты.