Біздің елімізде экономиканы «жасылдандыру» жаңа экономикалық саясаттың басты қағидаттарының бірі ретінде танылды. Бұл тұрғыдан жаңартылатын энергия көздерін дамыту көміртегі бейтараптығы мақсаттарына жетудің ең тиімді құралы болып табылады. Мемлекет басшысы 2030 жылға қарай ЖЭК өндіру үлесін 15%-ға дейін ұлғайту міндетін қойды, Қазақстан Республикасының Үкіметіне салада қолайлы инвестициялық ахуал құру, үй шаруашылықтары мен бизнестің ЖЭК технологияларын пайдалануын қолдау, отандық ғылымды дамыту және кадрлар даярлау жөнінде нақты тапсырмалар берілді.

Қазақстан Республикасының электр энергетикасы саласын дамытудың 2035 жылға дейінгі іс-шаралар жоспарына сәйкес көлемі 11,7 ГВт ЖЭК қуаттарын іске қосу жоспарланған, оның ішінде ЖЭК аукциондары бойынша – 6720 МВт, шетелдік инвесторлармен ірі жобалар бойынша – 5000 МВт. Осылайша, 2035 жылы электр энергиясын өндіру құрылымында ЖЭК үлесі (гидроэлектростанцияларды қоспағанда) 24,4%-ды құрайды.

Осы орайда ірі ЖЭК жобаларын іске асыру мәселелерін талқылауға арналған Qazaq Green Fest – 2024 фестивалін өткізуді электр энергетикасы мен ЖЭК саласын одан әрі дамыту жолдарын іздеу үшін маңызды және уақтылы үлес деп санаймын. Іс-шараны екі негізгі салалық қауымдастық – еліміздің электр энергетикасының барлық іскерлік қоғамдастығын білдіретін «Qazaq Green» ЖЭК қауымдастығы және Қазақстан электр энергетикалық қауымдастығы бірлесіп өткізетіні аса маңызды. Бұл іс-шараның мәртебесін едәуір арттырып, оны «жасыл» энергетика бойынша елдің басты диалог алаңына айналдырады. Сондықтан Qazaq Green Fest нәтижелерін ҚР Энергетика министрлігі ерекше назармен қарауға қабылдайды деп сенемін.

Осы мүмкіндікті пайдалана отырып, Qazaq Green ЖЭК қауымдастығына елімізде жаңартылатын энергетиканы дамыту жөніндегі көптеген бастамалары үшін алғысымды білдіремін.

Қатысушыларға секторды дамытуда жемісті жұмыс және табыс тілеймін!

A. Сәтқалиев