Маркетинг және уран саудасы бойынша тәжірибелі маман Азат Әбдібеков бұған дейін әлемдегі аса ірі мұнай-химия және ядролық отын компанияларында, оның ішінде Shell корпорациясының Қазақстандағы филиалында, Самұрық-Қазына тобының («Бірлескен химиялық компания» ЖШС) және ҚР Энергетика министрлігінің («PSA» ЖШС) кәсіпорындарында жұмыс істеген. 2017 жылдан 2019 жылға дейін «Қазатомөнеркәсіп» ҰАК» АҚ нарықты талдау бөлімінің бастығы болып жұмыс істеді, онда нарықты талдау бөлімін басқарды. 2019 жылдан бастап Азия және ТМД елдеріндегі Numerco Limited сауда-брокерлік компаниясының (Ұлыбритания) өкілі болып табылады.

Штаб-пәтері Ұлыбританияда орналасуымен 2013 жылы құрылған Numerco Limited – төмен көміртекті отын, жаңартылатын энергия көздері және өнеркәсіптік тауарларды жеткізу тізбегін табуға және оңтайландыруға маманданған тауар жеткізу, логистика және технологиялар бойынша тәуелсіз компания. Numerco Limited ерікті көміртегі нарығындағы Ең үздік Брокер санатындағы Environmental Finance журналы рейтингінің 8 дүркін жеңімпазы атанды.